اکسیر "معمار غزل" تقدیم به مودبان شعر وادب
(وطن )
شو کتیم جاه و جلالیم سن وقاریم سان وطن
غیرتیم شانیم منیم عزتلی یاریم سان وطن
واردی هر بیر عاشقین ایستکلی یاری دیلبری
سئوگلیم سن دیلبریم سن سن نیگاریم سان وطن
مال دنیادن یوخومدیر درهم و دیناریم هئچ
نیلیرم دنیا مالین دارو نداریم سان وطن
سویله رم بو جمله نی هر دم اورگدن من بئله
سن داماریمدا قانیم دیلده شعاریم سان وطن
من سنی غمگین گورنده هی یاشاردیم مضطرب
اضطرابیم یوخدو دای صبر و قراریم سان وطن
مکتب عشقونده درس عشقی سن وئردون منه
درس عشقی اورگه دن آموزگاریم سان وطن
هر باغا هر گولشنه من گئتمه رم "معمار" کیمی
سن گولوم هم گولشنیم باغ و بهاریم سان وطن
عضو شويد
عضويت سريع